У Албаніі «зацяжарыла» першая ў свеце ШІ-міністарка

Віртуальная міністарка хутка «нарадзіць» 83 дзяцей.

Прэм’ер-міністр Албаніі Эдзі Рама абвясціў, што віртуальная міністарка Дыелла, створаная штучным інтэлектам, «цяжарная» і хутка «нарадзіць» 83 лічбавых памочнікаў — па адным для кожнага дэпутата ад правячай Сацыялістычнай партыі, піша NDTV.

Паводле яго слоў, «дзеці Дыеллы» будуць персанальнымі віртуальнымі асістэнтамі дэпутатаў. Яны змогуць запісваць усё, што адбываецца ў парламенце, і паведамляць дэпутатам пра дыскусіі, якія яны прапусцілі.

«Калі вы пойдзяце выпіць кавы і забудзецеся вярнуцца на працу, ваша «дзіця» раскажа, што абмяркоўвалі ў зале, і падкажа, на каго трэба контратакаваць», — дадаў прэм’ер.

Рама адзначыў, што сістэма цалкам запрацуе да канца 2026 года. Паводле слоў прэм’ера, Дыелла цалкам выключае чалавечы фактар пры размеркаванні дзяржаўных сродкаў, што робіць сістэму «на 100% празрыстай».

Албанія стала першай краінай у свеце, якая афіцыйна прызначыла штучны інтэлект на пасаду міністра.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com