Названыя найлепшыя гарады для моладзі

Першае месца заняў Бангкок.

Тайская сталіца Бангкок стала найлепшым горадам для моладзі. Пра гэта гаворыцца ў даследаванні кампаніі Time Out, вынікі якога апублікавала выданне The Pattaya News.

Аўтары працы высветлілі, што для пакалення Z важныя дынамічнасць горада, шчырасць жыхароў, баланс працы і асабістага жыцця, а таксама фінансавая свабода. Бангкок вызначыўся тым, што можа закрыць усе гэтыя патрэбы. 84 адсоткі рэспандэнтаў, якія пражываюць у горадзе, заявілі, што шчаслівыя дзякуючы заразлівай энэргіі і пазітыўнаму настрою тайскай сталіцы. Яшчэ 71 адсотак адзначыў, што горад пасуе ў тым ліку людзям з абмежаваным бюджэтам. Многія апытаныя таксама назвалі Бангкок самым прыдатным месцам для пошуку новых знаёмстваў.

На другім месцы апынуўся Мэльбурн, Аўстралія, а на трэцім — Кейптаўн, Паўднёвая Афрыка. У пералік лідараў таксама ўвайшлі Нью-Ёрк, Капенгаген, Барсэлона, Эдынбург, Мехіка, Лондан і Шанхай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com