Аляксандр Хацкевіч: Я беларус, гэта мой дом

Вядомы футбаліст распавёў, чаму не ўзяў украінскае грамадзянства.

Ураджэнец Беларусі, зорка киеўскага «Дынама» Аляксандр Хацкевіч патлумачыў, чаму, нягледзячы на тое, што жыве ва Украіне, не атрымаў грамадзянства гэтай краіны.

— Чаму вы не ўзялі украінскі пашпарт, вам жа прапаноўвалі?

— Не, ніхто не прапаноўваў. А сэнс? За зборную Украіны я не мог выступаць. Я беларус. Я нарадзіўся ў Беларусі. Гэта мой дом. А Украіна — гэта другі дом. Я ніколі не хацеў змяняць пашпарт. Тут я магу выкарыстаць слова «ніколі», гэта якраз той выпадак.

— Чаму тады Валянцін Белькевіч узяў украінскі пашпарт?

— Яго трэба было ведаць. Валік умеў сябраваць. Ён добра разбіраўся ў людзях, якія былі побач з ім па-за футболам. Ён блізка нікога да сябе не падпускаў, трымаў многіх на адлегласці.

Хоць мы былі знаёмыя з сямі гадоў, я быў апошнім, хто даведаўся, што ў яго будзе вяселле з Аняй Седаковай. У асабістае жыццё ён увогуле нікога не ўпускаў. А чаму захацеў узяць пашпарт Украіны? У мяне няма адказу. Я банальна не ведаю, — адказаў Хацкевіч у выпуску ютуб-канала Дзеніса Бойкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com