Прэм'ер Эстоніі заклікаў падтрымаць Украіну, каб яна разнесла ў шчэпкі расійскія НПЗ

Ён заклікаў узмацніць санкцыі супраць РФ.

Прэм'ер-міністр Эстоніі Крыстэн Міхал назваў вялікай памылкай рашэнне прэзідэнта ЗША Дональда Трампа паслабіць санкцыі супраць дызельнага паліва краіны-агрэсара Расіі. Сваё бачанне сітуацыі ён 10 кастрычніка выклаў у Facebook.

«Гэта вялікая памылка, бо здзелкі з дыктатарамі — гэта шлях у пекла. За грошы, атрыманыя ад продажу газу і паліва, забіваюць нявінных людзей. І, што вельмі верагодна, гэтага чаканага паліва не будзе», — адзначыў Міхал.

Ён падкрэсліў, што такая дамова супярэчыць доўгатэрміновым намаганням заходняга свету па абмежаванні плыні грошай ад энерганосьбітаў да Пуціна.

Прэм'ер адзначыў, што ЗША дагэтуль пераконвалі сваіх саюзнікаў адмовіцца ад расійскага паліва і што Эстонія таксама прытрымлівалася палітыкі пазбаўлення Расіі даходаў; ён лічыць такую пазіцыю правільнай і такой, якую трэба працягваць.

«У Эстоніі і на пасяджэнні Еўрапейскай рады на наступным тыдні варта абмеркаваць, ці зможам мы хутка даць Украіне большую падтрымку, каб яна разнесла расійскія нафтаперапрацоўчыя заводы ў шчэпкі», — указаў Міхал.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com