На сілу трэба адказваць сілай

НАТА павінна павысіць цану расійскай агрэсіі.

1. Ці маеце вы звесткі, якія пацвярджаюць або абвяргаюць інфармацыю крыніц WSJ пра тое, што загад узмацніць атакі і дыверсіі ў Еўропе, уключаючы інцыдэнт з дронам у аэрапорце Лейпцыга, аддаў асабіста Пуцін?

Я навуковец, а не інсайдар. Сённяшнія расійскія дзеянні на еўрапейскім кірунку, тыя ж дыверсіі, з’яўляюцца часткай шматгадовых бесперапынных намаганняў па аслабленні НАТА, па раз’яднанні Альянсу, а таксама падрыхтоўцы да вайны з НАТА. І не важна, аддаў загад «асабіста Пуцін» зусім нядаўна ці гэта ажыццяўляецца ў межах агульнага зацверджанага плана. У гэтым кантэксце няма сэнсу надаваць вялікую ўвагу «асабіста Пуціну».

2. Калі гэта праўда — ці нешта гэта змяняе, ці павінна штосьці змяніцца ў пазіцыі краін Еўропы / НАТА ў адносінах да Расіі?

Дыверсіі здзяйсняюцца для праверкі і вывучэння механізмаў рэагавання праціўніка, для выяўлення слабых месцаў праціўніка, для матэрыяльнага аслаблення праціўніка, для адцягнення ўвагі і рэсурсаў праціўніка або/і для яго запалохвання і раз’яднання. Тут таксама важныя сістэмнасць работы і яе маштаб. Каб адказаць на ваша пытанне, трэба ведаць, якія высновы са сваіх дыверсій робіць сама Расія, яе вайскоўцы, спецслужбы і кіраўніцтва. Судзячы па тым, што Расія не адмаўляецца ад сваіх метадаў і не пераглядае свае мэты, яна лічыць, што ўсё робіць правільна.

3. Якія, на ваш погляд, крокі патрэбныя, каб перашкаджаць расійскім атакам у Еўропе і прадухіляць іх, хто і што можа і павінен для гэтага рабіць? У ваенным сэнсе, у працы спецслужбаў, палітычна, у сферы інфармавання і г.д.?

На сілу трэба адказваць сілай.

4. Ці робіцца, на ваш погляд, дастаткова?

Дастатковасць супрацьдзеяння вызначаецца тым, наколькі растуць выдаткі агрэсара і ці адмаўляецца ён, у рэшце рэшт, ад сваіх мэтаў і метадаў. Пакуль мы не бачым нейкіх зменаў у дзеяннях Расіі — значыць, супрацьдзеянне пакуль недастатковае.

5. Паводле вашай ацэнкі, ці існуе ў разуменні НАТА і еўрапейскіх краін выразная «чырвоная лінія», перасячэнне якой выкліча рэакцыю паводле арт. арт. 4 і 5 Статута НАТА?

Універсальны крытэрый ісціны — практыка. У нас няма ніякіх апрыёрных ведаў у гэтым пытанні.

6. А ці існуе ў Расіі разуменне, дзе праходзіць гэтая «чырвоная лінія»?

Адна з задач дыверсійнай кампаніі — праверка межаў магчымага і пашырэнне гэтых межаў.

Павел Лузін «Эхо»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com