Кадыраў стаў «ганаровым архітэктарам» Расіі

Ён нібыта спраектаваў раён імя Пуціна ў Грозным.

Кіраўніку Чачні Рамзану Кадыраву прысвоілі званне «Ганаровы архітэктар Расійскай Федэрацыі». Узнагароду яму ўручыў віцэ-прэм’ер РФ Марат Хуснуллін на цырымоніі адкрыцця другой чаргі раёна імя Уладзіміра Пуціна ў Грозным. «Гэты выдатны мікрараён пад асабістым кантролем быў задуманы і спраектаваны Рамзанам Ахматаўічам. І я хачу ад сябе асабіста яшчэ раз вас павіншаваць і лічу, што галоўны архітэктар усіх гэтых праектаў — вы асабіста», — сказаў Хуснуллін, уручаючы ўзнагароду кіраўніку Чачні.

Віцэ-прэм’ер таксама адзначыў, што раён імя Пуціна быў спланаваны і пабудаваны за кароткі час. «Па суадносінах цаны і якасці, магу сказаць, гэта адзін з найлепшых прыкладаў для нашай краіны», — падкрэсліў Хуснуллін. У другую чаргу раёна ўвайшлі 38 шматкватэрных дамоў агульнай плошчай каля 500 тыс. кв. метраў жылля, а таксама пешаходны бульвар імя першага прэзідэнта Чачні Ахмата-Хаджы Кадырава даўжынёй 1,8 км.

Раней у пачатку кастрычніка кіраўніку Чачні па ўказе Пуціна прысвоілі вайсковае званне генерала арміі РФ. Дырэктар Расгвардыі Віктар Золатаў таксама уручыў Кадыраву крапавы берэт. Генерал арміі — другое паводле старшынства вайсковае званне ў расійскай арміі пасля звання маршала. Са свайго боку, крапавы берэт лічыцца вышэйшым знакам адрознення спецпадраздзяленняў Расгвардыі. Права на яго нашэнне вайскоўцы пацвярджаюць кваліфікацыйнымі выпрабаваннямі, якія ўключаюць праверку фізічнай, агнявой і тактычнай падрыхтоўкі.

У адміністрацыі кіраўніка Чачні заявілі, што прысваенне Кадыраву звання генерала арміі і ўручэнне яму крапавага берэта — гэта «прызнанне выдатных заслуг перад Айчынай, шматгадовай доблеснай працы і самаадданага служэння Радзіме».

У красавіку 2022 года Кадыраў атрымаў званне генерал-лейтэнанта, а ў ліпені 2020 года — генерал-маёра. Раней ён таксама быў удастоены звання Героя Расіі, ордэна «За заслугі перад Айчынай» III ступені, ордэна Мужнасці, ордэна Пашаны і іншых узнагарод. Паводле падлікаў «Вёрсткі», пасля пачатку вайны супраць Украіны Кадыраў і члены яго сям’і атрымалі каля 150 розных узнагарод.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com