Гомельскае канструктарскае бюро выконвае больш за 90% замоваў для РФ

Самае прадпрыемства належыць «Радыёфізіцы».

Гомельскае канструктарскае бюро сістэмнага праграмавання (КБСП), якое распрацоўвае праграмнае забеспячэнне для расійскіх сістэм СПА і СРА, у 2025 годзе выканала ў інтарэсах Расіі 91,2% вырабленай прадукцыі, высветліў «Флагшток».

КБСП стварылі ў 1969 годзе для распрацоўкі праграмнага забеспячэння для перспектыўных сістэм СПА і СРА. Пасля распаду СССР бюро засталося ў Беларусі, а ў 2007 годзе стала адкрытым акцыянерным таварыствам. З 2011 года прадпрыемства належыць маскоўскаму ПАО «Радыёфізіка», звязанаму з расійскім абаронным канцэрнам «Алмаз-Антэй».

Паводле дадзеных фінансавай справаздачнасці, у 2022 годзе на прадпрыемстве працавалі 116 чалавек. У 2024 годзе 94,2% вырабленай прадукцыі выконвалася ў інтарэсах Расіі. У 2025 годзе, на фоне працяглай вайны супраць Украіны, гэты паказчык склаў 91,2%.

У чэрвені 2024 года «Радыёфізіка» была ўключана ў санкцыйны спіс ЗША. Мацярынская структура КБСП — канцэрн «Алмаз-Антэй» — спецыялізуецца на распрацоўцы расійскіх сістэм СПА, СРА і радыёлакацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com