Лукашысты хочуць сабраць заўважна больш падаткаў

На чым улады разлічваюць «зарабіць».

У наступным годзе ўлады разлічваюць сабраць значна больш падаткаў, перадусім ПДВ і падатку на прыбытак, чым у гэтым. Пра гэта сведчыць праект закона «Аб рэспубліканскім бюджэце на 2027 год», піша «Зеркало».

Падатковыя даходы рэспубліканскага бюджэту, як чакаецца, складуць 43,5 млрд рублёў. Гэта амаль на 13,6% больш, чым у гэтым годзе.

Найбольшы прырост чакаецца па падатку на дабаўленую вартасць (ПДВ) — плюс 19% — да 25,6 млрд рублёў. Таксама вырастуць паступленні ад падатку на прыбытак — да амаль 3,6 млрд (+22,6%).

У той жа час, нягледзячы на запланаванае павышэнне асобных акцызных ставак, акцызы прынясуць 3,7 млрд рублёў. Гэта ўсяго на 0,9% менш, чым планавалася на гэты год. А з улікам інфляцыі можна казаць пра скарачэнне паступленняў па гэтым напрамку.

Што да няпадатковых паступленняў, то на штрафах могуць зарабіць 321,4 млн рублёў (+3,55%).

«Іншыя зборы і паступленні ад знешнеэканамічнай дзейнасці» павялічацца аж на 62% — з 807 млн да 1,3 млрд.

Таксама істотна павялічыцца фінансаванне скарбніцы за кошт пералічэння туды часткі прыбытку ўнітарных прадпрыемстваў: з 488,9 млн да 710 млн рублёў (+42%). Даходы ад рэалізацыі маёмасці, маёмасных правоў на аб’екты інтэлектуальнай уласнасці вырастуць на 54% — да 387,5 млн.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com