У Турцыі разбіўся ваенны верталёт S-70

Усе чацвёра вайскоўцаў, якія знаходзіліся на борце, загінулі.

У чацвер, 12 лістапада, у правінцыі Малатыя на ўсходзе Турцыі пацярпеў катастрофу ваенны верталёт S-70. Чацвёра вайскоўцаў, якія знаходзіліся на борце, загінулі.

Пра гэта паведаміла Міністэрства нацыянальнай абароны Турцыі.

Прычыну аварыі ў турэцкім абаронным ведамстве пакуль не ўстанавілі. Там выказалі спачуванні сем'ям загінулых.

Як паведамляе AP, верталёт упаў недалёка ад населенага пункта Саманкёй на ўскраіне горада Малатыя. На кадрах мясцовага тэлебачання відаць ахопленыя полымем абломкі паблізу ад жылых дамоў.

Полымя перакінулася на адзін з суседніх дамоў, але на зямлі ніхто не пацярпеў. На месцы працуюць паліцыя, пажарныя і медыкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com