«Нас штурмуюць 20 тысяч чалавек»

У тэатры лялек пракаментавалі праблему з квіткамі.

Адзін з найбольш жаданых і адначасова цяжкадаступных месцаў для мінчукоў па-ранейшаму застаецца тэатр лялек. Квіткі на самыя нашумелыя пастаноўкі Яўгена Карнягі разлятаюцца хутчэй, чым на канцэрты сусветных суперзорак, дзіцячыя спектаклі таксама не адстаюць па запаўняльнасці залы: як мінімум да 7 студзеня на ўсю афішу няма ніводнага месца.

Тэатралы тым не менш працягваюць дзяжурыць на сайце, каб за лічаныя секунды ўхапіць квіток, і будуюць тэорыі змовы, маўляў, ажыятаж штучны, а ўсе месцы загадзя размеркаваныя сярод «сваіх», піша «Онлайнер».

Пасля чарговай хвалі абурэнняў у сацсетках разгорнутыя каментары пра сітуацыю дала галоўная адміністратарка тэатра Алена Казакова. Паводле яе слоў, цяпер лялечны перажывае свой пік папулярнасці — лічбы наведвальнасці выраслі не менш як у дзесяць разоў.

— Для акцёраў гэта камплімент, для адміністрацыі — праблема. Увесь тэатр пра гэта гаворыць, мы перажываем за сітуацыю, якая склалася.

«Галодныя гульні», у якіх даводзіцца ўдзельнічаць у спробах ухапіць квіток, тэатр звязвае перадусім з невялікай колькасцю месцаў у зале. 236 крэслаў у маштабах Мінска — гэта мала. Але пашыраць прастору або пераносіць пастаноўкі на іншыя пляцоўкі адміністрацыя не плануе. «Спектаклі будуць губляць сваю мастацкую каштоўнасць», — патлумачыла Алена Казакова.

Зараз квіткі паступаюць у продаж без папярэдняга ананса — усё, каб старонку з імі не «паклалі» яшчэ да таго, як з'явяцца месцы (звычайна ў «дзень ікс» сайт штурмуе ад 20 тысяч чалавек). Як адзначыла Казакова, адкрыццё продажаў адбываецца па гатоўнасці тэхнічнай службы, і калі яна настане, не ведаюць нават самі касіры і адміністратары.

— Мы прыходзім на працу як звычайна, і ў пэўны момант нам проста даюць старт.

Адзін з самых папулярных спосабаў вырашэння пытання з тых, што прапануюць беларусы ў сацсетках, — істотна павысіць цэны. Аднак рабіць гэтага ў тэатры пакуль што не збіраюцца «з павагі да гледачоў». Прадаваць квіткі па пашпарце пакуль што таксама немагчыма, паколькі гэта не прадугледжана заканадаўствам.

Яшчэ адно набалелае пытанне — перакупшчыкі, што перапрадаюць квіткі па цане ў некалькі разоў вышэй за «рыначную». Паводле слоў Казаковай, з імі вядзецца актыўная барацьба.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com