Беларусы хутка ўбачаць бабровую поўню

Ужо вядомыя дакладныя дата і час незвычайнай суперпоўні.

Незвычайную нябесную з’яву змогуць назіраць беларусы напрыканцы лістапада 2026 года, паведамляюць NASA і астранамічныя сэрвісы. У бліжэйшыя два месяцы такіх суперпоўняў будзе тры.

24 лістапада Месяц апынецца настолькі блізка да Зямлі, што будзе выглядаць буйней і яскравей, чым звычайна. Гэтую суперпоўню ў народзе называюць бабровай поўняй.

Паводле сервісу Time and Date, у Мінску Месяц ўзыйдзе каля 16:07, яшчэ да захаду Сонца. Пасля 17:00, з надыходам цемры, яго можна будзе ўбачыць над усходняй часткай гарызонту. Астранамічная поўня настане прыкладна ў 17:53 па мінскім часе: менавіта ў гэты момант Сонца і Месяц апынуцца па розныя бакі Зямлі. Няўзброеным вокам спадарожнік будзе выглядаць амаль поўным і 23, і 25 лістапада.

Чаму поўня бабровая

Назва прыйшла з Паўночнай Амерыкі. Позняй восенню бабры актыўна рыхтуюцца да зімы: умацоўваюць плаціны і запасаюць корм. У некаторых краінах лістападаўскую поўню таксама называюць марознай поўняй.

Бабровая поўня стане першай з трох буйных суперпоўняў бліжэйшых двух месяцаў. Наступны незвычайна буйны Месяц можна будзе ўбачыць на каталіцкае Божае Нараджэнне, 24 снежня 2026 года. Потым суперпоўня супадзе з першай студзенскай поўняй 2027 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com