Крэмль будзе забіраць пенсійныя назапашванні расіян

Мінфін РФ просіць дапамогі ў «мёртвых душ».

На мінулым тыдні Мінфін РФ прыступіў да тэставання нацыяналізацыі пенсійных назапашванняў расіян. Ведамства распрацавала законапраект, згодна з якім пенсійныя назапашванні (ПН) расіян канвертуюцца ў праграму доўгатэрміновых зберажэнняў (ПДЗ).

На першым этапе новаўвядзенне закране «мёртвых душ» — людзей, якія не прыходзяць па свае налічэнні, бо не ведаюць пра іх або памерлі. Розніца паміж ПН і ПДЗ мае вялікае значэнне для Мінфіна, бо дазволіць яму накіраваць сродкі расіян на куплю доўгатэрміновых дзяржаўных аблігацый (АФЗ).

Пасля правалу аўкцыёнаў АФЗ летам, у верасні і кастрычніку, а таксама падзення ліквіднасці рынку Мінфіну давялося павышаць даходнасць АФЗ, каб прыцягнуць на рынак больш пакупнікоў. Рост даходнасці не даў кардынальнага эфекту: попыт на доўгатэрміновыя АФЗ нават пад ціскам ЦБР быў вельмі слабым. Таму цяпер Мінфін РФ, каб пакрыць дэфіцыт 2026 года, звярнуўся па дапамогу да «мёртвых душ».

Як гэта прынята ў РФ, каб народ не праводзіў паралелі з персанажамі М. В. Гогаля, пенсіі «мёртвых душ» у расійскіх СМІ паліткарэктна называюць «пенсіі маўчуноў». Праўда, містычны характар дзеянняў Мінфіна РФ — скарыстацца грашыма мёртвых — ад змены назвы не змяняецца.

Віталій Шапран, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com