ISW раскрыў наступствы ўдару Узброеных Сіл Украіны па Крымскім мосце
5- 17.11.2026, 12:19
- 10,090
Гэты пракол вельмі дорага абыдзецца Расіі.
Атакі Украіны на Крымскі мост паказалі, што Расія не можа надзейна абараніць свае стратэгічна важныя аб'екты. Да такой высновы прыйшлі аналітыкі Інстытута вывучэння вайны (ISW) у аглядзе ад 16 лістапада. Паводле іх дадзеных, украінскія сілы нанеслі па збудаванні тры дакладныя ўдары.
«Нанесеныя пашкоджанні недапушчальныя для аб'екта, які павінен знаходзіцца пад ўзмоцненай аховай, бо Крымскі мост мае крытычна важнае значэнне як для эканомікі РФ, так і для забеспячэння расійскай групоўкі войскаў», — адзначылі ў інстытуце.
Аналітыкі нагадалі, што сувязь Расіі з акупаваным паўвостравам трымаецца на двух галоўных артэрыях: Крымскім мосце і сухапутным калідоры праз акупаваныя тэрыторыі Данецкай, Запарожскай і Херсонскай абласцей. Таму любыя пашкоджанні або збоі ў працы аднаго з маршрутаў павялічаць нагрузку на сухапутны калідор і сур'ёзна ўскладняць расійскую ваенную лагістыку.
У ISW таксама звярнулі ўвагу, што паспяховая атака выклікала хвалю крытыкі ў расійскай інфармацыйнай прасторы. Радыкальна настроеныя ваенныя карэспандэнты нават заклікалі камандаванне нанесці ўдар у адказ па цэнтрах прыняцця рашэнняў, у прыватнасці па палітычным кіраўніцтве Украіны.
Што вядома пра ўдары па Крымскім мосце
Уначы на 17 лістапада Крымскі мост апынуўся пад ударам ізноў. Гэта ўжо другая атака на пераправу праз Керчанскі праліў за двое сутак, папярэдняя адбылася ўначы на 16 лістапада.
Каля паўночы ў раёне моста прагрымела серыя магутных выбухаў. Паводле звестак выдання, у выніку ўдару былі разбураныя дарожнае пакрыццё і арка.
Напярэдадні мост таксама атакавалі. Аўтамабільны рух перакрывалі амаль на 17 гадзін, увечары яго аднавілі ў рэверсіўным рэжыме.