18 лiстапада 2026, Серада, 19:50
Падтрымайце
сайт
Сім сім,
Хартыя 97!
Рубрыкі

Беларуска пайшла на першае спатканне, але засталася адна з неаплачаным рахункам

2
Беларуска пайшла на першае спатканне, але засталася адна з неаплачаным рахункам

Кавалер збег пасля сумеснай трапезы.

У жыхаркі Мінска першае спатканне скончылася няўдачай: малады чалавек, з якім яна вячэрала ў кавярні, выйшаў пакурыць і не вярнуўся. Калі дзяўчына папрасіла рахунак толькі за сябе, афіцыянт заявіў, што ёй давядзецца аплаціць усю вячэру. Ці законна гэта, расказваюць «Аргументы и факты в Беларуси».

«Была на першым спатканні ў кавярні: павячэралі, малады чалавек выйшаў пакурыць і не вярнуўся. Я папрасіла рахунак толькі за свае стравы, але афіцыянт пасля нарады з кіраўніцтвам заявіў, што я павінна аплаціць увесь чэк», — распавяла мінчанка Ала

У Рэгіянальным таварыстве абароны правоў спажыўцоў патлумачылі, што патрабаванне ўстановы неправамернае: абодва наведвальнікі кавярні з'яўляюцца самастойнымі пакупнікамі, таму кожны павінен плаціць за тое, што замаўляў.

У гэтым выпадку дзяўчына мела права папрасіць афіцыянта падзяліць рахунак і аплаціць толькі свае стравы. Пры неабходнасці супрацоўнікі кавярні могуць вывучыць запісы камер відэаназірання, каб усталяваць, хто менавіта рабіў заказы.

Спецыялісты таксама параілі па магчымасці перадаць установе звесткі пра збеглага спадарожніка — яго імя, прозвішча, адрас і нумар тэлефона. Гэта дазволіць адміністрацыі звязацца з мужчынам і патрабаваць аплаціць яго частку вячэры.

Згодна з артыкулам 456 Грамадзянскага кодэкса, пакупнік павінен аплаціць тавар непасрэдна да або пасля яго перадачы. Калі наведвальнік адмаўляецца плаціць, установа можа звярнуцца ў суд для спагнання запазычанасці.

Напісаць каментар 2

Таксама сачыце за акаўнтамі Charter97.org у сацыяльных сетках

▲