«Мне пашанцавала, што дзеці не задаюць такіх пытанняў»

Чаму беларусы з’язджаюць з роднай краіны?

Беларуска, якая цяпер жыве ў польскім Беластоку, звярнулася да нашых суайчыннікаў у сацсетцы Threads.

«Дачка спыталася: «А чаму мы з’ехалі з Беларусі і цяпер жывём тут?» — піша яна. — А што б вы адказалі на такое пытанне?»

Беларусы назвалі асноўныя прычыны эміграцыі. Сайт Charter97.org прыводзіць некаторыя адказы:

— Мне пашанцавала, мае дзеці не задаюць такіх пытанняў. У мой апошні дзень у Беларусі да мяне ў кватэру ўварваліся мусара, напалохалі дзяцей. Шэсць лукашэнкаўскіх мразяў прыйшлі забраць тэлефон на праверку. Пасля гэтага дзеці сказалі, што больш не хочуць жыць у Беларусі.

— Усю праўду расказаў: пра рэжым, пра тое, што тата ў Беларусі сядзеў бы ў турме толькі за сваю прафесію, пра правы чалавека і іх захаванне часам распавядаю. Ды і ў Польшчы на ўроках настаўнікі наўпрост кажуць, калі распавядаюць пра краіны—суседкі: «гэта дзяржаўны сцяг Беларусі, а гэта — нацыянальны. Дзяржаўны мала хто паважае за тыя зверствы, якія пад ім адбываліся».

— Хачу жыць у свабоднай і бяспечнай краіне. Што тут незразумелага?

— Я кажу: за магчымасць у выходныя хадзіць у горы, сесці ў машыну і на дзянёк зганяць у Германію або Чэхію. З-за магчымасцяў, якія адкрываюцца тут для іх. Вырастуць — і самі абяруць, дзе захочуць жыць: Беларусь, Польшча або куды далей.

— Проста скажыце, што не хацелі жыць у дыктатуры і адной з найбяднейшых краін Еўропы, таму і з’ехалі ў Польшчу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com