21 лiстапада 2026, Субота, 14:57
Падтрымайце
сайт
Сім сім,
Хартыя 97!
Рубрыкі

Міністр замежных спраў Украіны паставіў Лаўрова на месца

Міністр замежных спраў Украіны паставіў Лаўрова на месца
Андрэй Сібіга

Гаворка ішла пра «спрадвечна рускія» землі.

У расійскім МЗС перакананыя, што паўднёвы ўсход і цэнтр Украіны, уключаючы Кіеў, з'яўляюцца «спрадвечна расійскімі землямі». У адказ Украіна нагадала пра тэрыторыі Расіі, дзе стагоддзямі жылі ўкраінцы.

Пра гэта паведамляе РБК-Украіна са спасылкай на паведамленне ў сацсетцы Х міністра замежных спраў Украіны Андрэя Сібігі у адказ на заяву кіраўніка МЗС РФ Сяргея Лаўрова.

Што заявіў Лаўроў

У інтэрв'ю для праекта «Наша Хрышчэнне. Прадстаяцель» міністр замежных спраў Расіі заявіў, што «паўднёвы ўсход Украіны і большая частка цэнтральнай Украіны, уключаючы Кіеў, — гэта, безумоўна, спрадвечна рускія землі».

Паводле яго слоў, там жыве народ, «які хрысціўся ў адной купелі» з расіянамі. Лаўроў таксама назваў адной з галоўных задач Расіі перамогу над «русафобіяй».

«Думаю, што цяпер у нас самая галоўная перамога, апроч дасягнення мэтаў спецыяльнай ваеннай аперацыі, але звязаная з гэтымі мэтамі задача — гэта перамагчы пячэрную русафобію, якую спрабуюць насадзіць ва Украіне», — падкрэсліў ён.

Што адказаў Сібіга

Сібіга нагадаў Лаўрову пра тэрыторыі сучаснай Расіі, жыхары якіх на працягу стагоддзяў размаўлялі па-ўкраінску і лічылі сябе ўкраінцамі.

«Жыхары Кубані, Старадубшчыны, Паўночнай і Усходняй Слабажаншчыны — у межах цяперашніх Краснадарскага краю, Белгарадскай, Бранскай, Варонежскай, Курскай і Растоўскай абласцей — стагоддзямі размаўлялі па-ўкраінску і лічылі сябе ўкраінцамі», — напісаў Сібіга.

Ён іранічна спытаў, ці не варта ў такім выпадку Украіне патрабаваць вяртання гэтых тэрыторый.

«Дык, можа, і нам патрабаваць вярнуць гэтыя спрадвечныя ўкраінскія землі?» — адзначыў міністр.

Сібіга таксама ўспомніў Жоўты, Шэры і Зялёны Кліны — тэрыторыі ў Паволжы, на поўдні Сібіры і на Далёкім Усходзе, якія былі заселеныя ўкраінцамі.

У той жа час кіраўнік украінскага МЗС падкрэсліў, што міжнародна прызнаныя межы вызначаюцца не гістарычнымі сцверджаннямі, а міжнародным правам і Статутам ААН.

«Менавіта таму ў свеце існуюць міжнародна прызнаныя межы. Іх вызначае не гістарычная лухта, а міжнароднае права і Статут ААН — паняцці, якія міністр замежных спраў РФ павінен добра ведаць, але адкрыта грэбуе імі», — падсумаваў Сібіга.

Напісаць каментар

Таксама сачыце за акаўнтамі Charter97.org у сацыяльных сетках

▲