Зяленскі: Амерыканцы хочуць правесці трохбаковыя перамовы да Каляд
2- 21.11.2026, 16:50
У найбліжэйшы час будуць праведзены тэхнічныя сустрэчы.
Амерыканскія партнёры прапануюць правесці трохбаковую сустрэчу Украіны, Расіі і ЗША яшчэ да Каляд. Аб гэтым заявіў прэзідэнт Украіны Уладзімір Зяленскі падчас зносін з журналістамі.
У найбліжэйшы час бакі правядуць тэхнічныя сустрэчы, каб выпрацаваць змест і вынік будучых перамоў.
Тады ўжо будзе абмяркоўвацца, дзе менавіта і калі можа адбыцца трохбаковая сустрэча. Пры гэтым ЗША прапануюць правесці яе ўжо да Каляд.
- Нашы дарадцы па бяспецы правядуць шэраг сустрэч – можа быць у відэафармаце, а можа офлайн – каб падрыхтаваць парадак дня, то бок змест сустрэчы, і вынік – як наблізіць нас усіх да заканчэння вайны. Амерыканскі бок сказаў, што хоча зрабіць гэта да Каляд. Я згадзіўся. Чым раней будзе вынік, тым лепш, – адзначыў Зяленскі.
Што да ўдзелу Украіны ў саміце G20
Пакуль, паводле слоў Зяленскага, прапанова ад ЗША не паступала. Пры гэтым, на думку ўкраінскага прэзідэнта, гэта прыдатнае месца для правядзення такой сустрэчы.
- Шматлікія лідары прапаноўвалі амерыканскаму боку афіцыйна запрасіць Украіну на G20. Пакуль мы не атрымлівалі запрашэння, але калі атрымаем – безумоўна, прыедзем. Ці можа адбыцца трохбаковая сустрэча на палях саміту G20 – я ўпэўнены, што так. Мы чулі, што некаторыя кангрэсмены не ўхваляюць тое, што Трамп запрасіў Пуціна. Але калі Трамп запросіць Украіну – гэта зусім іншая гісторыя, бо трохбаковая сустрэча будзе падтрымана ўсімі, – сказаў Уладзімір Зяленскі.