22 лiстапада 2026, Нядзеля, 12:01
Падтрымайце
сайт
Сім сім,
Хартыя 97!
Рубрыкі

Расійскі ўдар знёс пяціпавярхоўку пад Кіевам

Расійскі ўдар знёс пяціпавярхоўку пад Кіевам
Фота: ДСНС Украіны

Людзей шукаюць пад заваламі.

У пасёлку Дымер Вышгарадскага раёна Кіеўскай вобласці ў выніку расійскай атакі разбураны жылы дом. Пад заваламі могуць знаходзіцца сем чалавек, паведаміла Дзяржаўная служба Украіны па надзвычайных сітуацыях (ДСНС).

«У выніку ранішняй атакі разбураны дом з першага па пяты паверх. Ратавальнікі эвакуявалі дзевяць чалавек, сярод іх адно дзіця. Яшчэ адно дзіця, 2010 года нараджэння, пацярпела і было шпіталявана. Папярэдне сем чалавек могуць знаходзіцца пад заваламі», — распавялі ў ДСНС.

Працягваюцца аварыйна-выратавальныя работы, разбор разбураных канструкцый і пошук людзей.

У шпіталяванага падлетка множныя асколачныя раненні рукі. А 22-гадовая дзяўчына атрымала разаныя раны ступні, медыкі аказалі ёй дапамогу на месцы, паведаміў кіраўнік абласной адміністрацыі Тымур Ткачэнка.

Таксама ўдарнай хваляй пашкоджаны размешчаны побач дзіцячы садок.

Паводле Паветраных сіл Украіны, у ноч на 22 лістапада Расія атакавала 186 ударнымі БПЛА тыпу Shahed (72 з іх — рэактыўныя), «Гербера» і дронамі-імітатарамі тыпу «Пародыя». Было збіта або падаўлена 161 дрон.

Раніцай 22 лістапада атака працягвалася.

У ДСНС паведамілі, што пажары з-за ўдараў адбыліся на Харкаўшчыне і Чарнігаўшчыне.

Напісаць каментар

Таксама сачыце за акаўнтамі Charter97.org у сацыяльных сетках

▲