Танкеры з расійскім дызельным палівам, што накіроўваліся ў ЗША, змянілі курс

Чакалася, што яны прыбудуць да амерыканскага ўзбярэжжа да 7–11 лістапада.

Так, танкеры з расійскім дызельным палівам, якія рухаліся ў ЗША, змянілі свой курс. Пра гэта піша «Агенцтва» са спасылкай на даныя MarineTraffic.

Першапачаткова паведамлялася, што ў Злучаныя Штаты ў межах пагаднення паміж амерыканскім прэзідэнтам Дональдам Трампам і дыктатарам Уладзімірам Пуціным накіроўваюцца тры танкеры з расійскім дызельным палівам. Ішлося пра танкеры Agioi Fanendes, Talisman і Leruo, якія ў суме перавозілі каля 140 тысяч тон дызеля.

На дадзены момант рух у бок амерыканскага ўзбярэжжа працягвае толькі Agioi Fanendes. Што да Talisman і Leruo, то яны змянілі свае пункты прызначэння. Напрыклад, Leruo цяпер замест ЗША накіроўваецца ў Бразілію.

Гэтыя танкеры пагрузілі дызельнае паліва ў партах Расіі напрыканцы кастрычніка. Чакалася, што яны прыбудуць да амерыканскага ўзбярэжжа да 7–11 лістапада бягучага года.

Нагадаем, 9 кастрычніка Дональд Трамп заключыў здзелку з Пуціным, дазволіўшы Расіі прадаць на сусветным рынку 5 млн тон дызельнага паліва. Пагадненне дзейнічае да красавіка 2027 года. Трамп разлічвае, што расійскі дызель дапаможа знізіць цэны на аўтазапраўках у ЗША. Але ў ЗША многія палітыкі крытыкуюць здзелку Трампа з Пуціным.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com