Беспілотнікі праляцелі 2100 км і атакавалі Чалябінскі металургічны камбінат
5- 25.04.2026, 11:53
- 3,592
Прадукцыю гэтага завода выкарыстоўвае расійскі ваенна-прамысловы комплекс.
У ноч на суботу, 25 красавіка, украінскія дальнабойныя БПЛА праляцелі каля 2100 км і атакавалі стратэгічныя аб'екты ў Чалябінскай вобласці Расіі. Пад удар мог трапіць Чалябінскі металургічны камбінат, піша Дыялог.UA, правёўшы аналіз сацсетак і мэсэнджараў.
Пра атаку на стратэгічныя аб'екты ў Чалябінскай вобласці стала вядома пад раніцу 25 красавіка. Жыхары Чалябінска паведамілі, што ў горадзе прагучала некалькі выбухаў. Сцвярджаецца, што некаторыя выбухі адбыліся ў раёне Чалябінскага металургічнага камбіната.
Губернатар Чалябінскай вобласці Аляксей Тэкслер прызнаў, што сённі ўначы стратэгічныя аб'екты рэгіёна падвергліся атацы дронаў. Паводле яго слоў, расійская СПА нібыта перашкодзіла спробе атакі інфраструктурнага аб'екта і што «разбурэнняў няма».
Пра які аб'ект ідзе гаворка, ён не ўдакладніў. У зводцы Мінабароны РФ гаворыцца, што расійская СПА над Чалябінскай вобласцю нібыта збіла ўкраінскія БПЛА, але дакладная лічба не называецца.
Усяго ж, паводле дадзеных Мінабароны РФ, у ноч на суботу расійская СПА над Расіяй нібыта збіла 127 украінскіх БПЛА самалётнага тыпу.
Чалябінскі металургічны камбінат з'яўляецца адным з найбуйнейшых аб'ектаў расійскай металургічнай прамысловасці.
Прадукцыю гэтага завода выкарыстоўвае расійскі ваенна-прамысловы комплекс, таму ён з'яўляецца законнай мэтай для ЗСУ.
Нагадаем, паводле дадзеных Службы знешняй разведкі Украіны, металургічная галіна Расіі знаходзіцца ў глыбокім крызісе. У 2025 годзе з-за крызісу Чалябінскі металургічны камбінат скараціў працоўны тыдзень да 4 дзён, каб менш траціць грошай на заробак супрацоўнікам.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
