Малдова выдала Беларусі былога намесніка кіраўніка спецслужбаў, асуджанага за дзяржаўную здраду

Аляксандр Балан быў завербаваны КДБ.

У межах абмену паміж Беларуссю і Польшчай Малдова перадала Беларусі Аляксандра Балана, былога намесніка дырэктара Службы інфармацыі і бяспекі Малдовы.

Балана затрымалі ў Румыніі ў 2025 годзе. 15 красавіка малдаўскі суд завочна прысудзіў яго да 1,5 года пазбаўлення волі па абвінавачанні ў разгалошванні дзяржаўнай таямніцы. 24 красавіка Балана экстрадавалі з Румыніі ў Малдову.

Перад перадачай у Беларусь прэзідэнт Малдовы Майя Санду памілавала Балана. Малдова таксама перадала Расіі расіянку Ніну Папову.

Чэшская спецслужба BIS лічыць Аляксандра Балана ўдзельнікам беларускай разведвальнай сеткі, створанай КДБ Беларусі.

The Insider пісаў, што Аляксандр Балан падчас працы на сваёй пасадзе (2016–2019) у межах супрацоўніцтва са спецслужбамі Украіны быў афіцэрам сувязі пры Генштабе ЗСУ. Яго адклікалі з Украіны за нездавальняючыя вынікі працы, але ён адмовіўся вяртацца ў Малдову.

Паводле звестак румынскіх СМІ, з 2024 па 2025 год ён двойчы сустракаўся з супрацоўнікамі беларускай разведкі ў Будапешце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com