«Выпадковы прахожы», які прывітаўся з Пуціным, аказаўся «сваім»

Ім быў супрацоўнік кампаніі, якая кіравала віламі дыктатара і маці Кабаевай.

Прэс-служба Крэмля ў панядзелак апублікавала відэа сустрэчы Уладзіміра Пуціна са сваёй школьнай настаўніцай Верай Гурэвіч у гасцініцы на Арбаце. Пуцін, як бачна на відэа, асабіста заехаў па настаўніцу ў гатэль, каб адвезці яе на вячэру ў Крэмль.

Падчас гэтай сустрэчы прэзідэнт РФ вітаецца з нібыта выпадковым мужчынам. Аналіз «Агенцтва» паказаў, што гэтую ролю выканаў Аляксандр Базарны, які працаваў у кампаніі, што кіравала віламі Пуціна і маці яго спадарожніцы Аліны Кабаевай.

На відэа Пуцін на пазадарожніку Aurus, сам за стырном, заязджае ў неназваную гасцініцу і праходзіць у хол гатэля. Там яго чакае Вера Гурэвіч.

Пасля гэтага яны разам накіроўваюцца да машыны.

Дарогай Пуцін сустракае жыхара Сочы, паціскае яму руку і пытаецца пра надвор'е і яго ўражанні ад Масквы. Пасля гэтага, як вынікае з прэс-рэлізу, прэзідэнт з настаўніцай накіроўваюцца на вячэру ў Крэмль.

Паводле аналізу «Агенцтва», Базарны сапраўды жыве ў Сочы.

У 2010–11 гадах ён працаваў ахоўнікам у краснадарскіх прадпрыемствах «Газстрой безопасность» і «Свод интернешнл». Ён таксама працаваў у кампаніі «Гросс групп ди», верагодна, вадзіцелем.

Кампанія «Гросс групп ди», як пісаў «Праект» у 2022 годзе, належыць звязанай з былым разведчыкам Сяргеем Трегубам фірме «Владение-В». Трегуб кіруе актывамі ў інтарэсах кіраўніка «Газпрома» Аляксея Мілера і выконвае далікатныя даручэнні кіраўніцтва краіны.

Кампанія «Свод интернешнл» пазней была перайменаваная ў «Газпром Паляна», якая кіруе аднайменным курортам.

«Свод Интернэшнл» таксама абслугоўвала шале «Ачыпсе» каля курорта Красная Паляна. Гэтае шале называлі адной з рэзідэнцый прэзідэнта Расіі Уладзіміра Пуціна. Кампанія таксама кіравала іншымі элітнымі катэджамі ў Краснай Паляне, сярод арандатараў якіх былі маці Аліны Кабаевай і сын кіраўніка Расгвардыі Віктара Золатава.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com