Астраханскі завод «Газпрама» зноў спыніў працу пасля атакі дронаў

Прадпрыемства паспела папрацаваць усяго пару тыдняў.

Газаперапрацоўчы завод расійскага «Газпрама» ў Астраханскай вобласці на поўдні Расіі прыпыніў вытворчасць маторнага паліва пасля пажару. Як паведаміла Reuters, ён здарыўся яшчэ 13 мая ў выніку атакі ўкраінскага дрона.

У прыватнасці, спынілася камбінаваная ўстаноўка па перапрацоўцы стабільнага кандэнсату магутнасцю 3 млн тон у год, якая вырабляе бензін і дызельнае паліва.

Аднаўленне вытворчасці можа заняць ад некалькіх тыдняў да некалькіх месяцаў.

Паводле слоў аднаго з суразмоўцаў, астраханскі завод не працаваў з верасня мінулага года і аднавіў перапрацоўку кандэнсату і вытворчасць маторнага паліва толькі ў красавіку — за некалькі тыдняў да атакі.

Астраханскі ГПЗ — адзін з найбуйнейшых у свеце газахімічных комплексаў. Яго магутнасці — не менш як 10 млрд кубаметраў прыроднага газу і больш за 3 млн тон газавага кандэнсату.

У 2024 годзе завод перапрацаваў 1,8 млн тон стабільнага газавага кандэнсату, вырабіў 0,8 млн тон аўтабензіну, 0,6 млн тон дызельнага паліва і 0,3 млн тон мазуту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com