Сям'я зняволенага амерыканца просіць Трампа націснуць на Пуціна
5- 15.05.2026, 15:04
Прэзідэнт ЗША лічыць вяртанне амерыканцаў прыярытэтам Белага дома.
Сям'я натуралізаванага амерыканца Аляксандра Антонава звярнулася наўпрост да прэзідэнта ЗША Дональда Трампа з просьбай дамагчыся яго вызвалення з расійскай турмы. Дачка зняволенага, Анастасія Антонава, заявіла, што страціла надзею на Дзярждэпартамент ЗША і вырашыла звярнуцца асабіста да прэзідэнта ЗША, піша CBS NEWS (пераклад — сайт Charter97.org).
66-гадовы Антонаў, ураджэнец СССР і грамадзянін ЗША, быў затрыманы ў Расіі ў сакавіку 2025 года. Расійскія сілавікі заявілі, што знайшлі ў ягоным тэлефоне паведамленні з «антырасійскімі поглядамі». Пазней яго асудзілі да шасці гадоў калоніі па абвінавачаннях у экстрэмізме і «падбухторванні да тэрарызму».
Паводле дадзеных CBS News, унутры Дзярждэпартамента ЗША ідзе спрэчка наконт прызнання Антонава «непраўамерна затрыманым». Такі статус азначае, што Вашынгтон лічыць абвінавачанні сфабрыкаванымі. Некалькі амерыканскіх чыноўнікаў ужо рэкамендавалі надаць гэты статус, аднак частка дыпламатаў асцерагаецца ўскладніць перамовы з Масквой.
Тым не менш каманда Трампа ўсё больш актыўна падымае тэму амерыканцаў, якія знаходзяцца ў расійскіх турмах. Крыніцы сцвярджаюць, што імя Антонава ўжо ўключана ў спіс пытанняў, якія спецпасланнік ЗША Стыў Уіткоф абмяркоўвае з прадстаўнікамі Крамля.
Адміністрацыя Трампа падкрэслівае, што вяртанне амерыканцаў дадому застаецца адным з прыярытэтаў Белага дома. У мінулым годзе пры пасярэдніцтве ЗША ўжо ўдалося вызваліць некалькіх грамадзян, якіх утрымлівала Расія.
На фоне працяглай вайны і эканамічных праблем Крэмль усё часцей сутыкаецца з ціскам Вашынгтона не толькі па Украіне, але і па пытаннях палітвязняў і абменаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
