Лявон Тарасэвіч і Уладзімір Наўмюк атрымалі прэмію Канстанціна Астрожскага

Адну з найважнейшых узнагарод у сферы праваслаўнай культуры ў Польшчы ўручылі ў Беластоку.

У Беластоку ўручылі прэмію імя князя Канстанціна Астрожскага — адну з найважнейшых узнагарод у сферы праваслаўнай культуры і міжхрысціянскага дыялогу ў Польшчы, перадае «Радыё Рацыя».

Сёлета сярод лаўрэатаў: Лявон Тарасэвіч і Уладзімір Наўмюк — творцы, чыя дзейнасць цесна звязаная з культурай Падляшша і праваслаўнай традыцыяй.

Лявон Тарасэвіч — адзін з найбольш вядомых сучасных мастакоў Падляшша, аўтар манументальных жывапісных праектаў і пазнавальнага лагатыпа Падляшскага ваяводства з піксельным зубрам.

У сваю чаргу Уладзімір Наўмюк з вёскі Канюкі вядомы як народны майстар, аўтар больш як тысячы прац з дрэва, прысвечаных жыццю падляшскай вёскі, традыцыйнай працы і народным абрадам. Разьбяр узнагароджаны прэміяй імя Оскара Кольберга і дзяржаўнай узнагародай Gloria Artis.

Прэмію таксама атрымалі:

Ежы Панкоўскі — праваслаўны ардынарый польскага войска, тэолаг і былы рэктар Хрысціянскай тэалагічнай акадэміі ў Варшаве;

Арво Пярт — сусветна вядомы эстонскі кампазітар, стваральнік музычнага стылю tintinnabuli;

Прэмія імя князя Канстанціна Астрожскага ўручаецца з 1989 года людзям і арганізацыям, якія дзейнічаюць дзеля захавання праваслаўнай культуры і развіцця дыялогу паміж хрысціянскімі канфесіямі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com