Невядомыя забарыкадаваліся на трэцім паверсе будынка рэдакцыі «Маскоўскага камсамольца»

У офіс да расійскіх прапагандыстаў уварваліся людзі ў камуфляжнай форме, у масках і са зброяй.

Невядомыя забарыкадаваліся на трэцім паверсе будынка рэдакцыі «Маскоўскага камсамольца». Пра гэта расійскае прапагандысцкае выданне паведамляе ў Telegram-канале.

«У будынак рэдакцыі прыбылі прадстаўнікі сілавых структур. Невядомыя таксама адмаўляліся адчыняць ім дзверы, аднак пасля 10 хвілін перамоваў усё ж упусцілі візіцёраў. Пасля гэтага яны зноў замкнуліся на трэцім паверсе», — гаворыцца ў паведамленні.

Пра лёс людзей, якіх утрымліваюць унутры памяшкання, нічога не вядома, падкрэслівае выданне.

Днём у аўторак, 19 мая, у будынак на вуліцы 1905 года, дзе знаходзіцца рэдакцыя «Маскоўскага камсамольца», уварваліся невядомыя людзі ў камуфляжнай форме, у масках і са зброяй. Паведамлялася, што некалькі чалавек паводзілі сябе груба, адмовіліся прад’явіць дакументы, пагражалі зламаць дзверы і турнікеты на ўваходзе ў рэдакцыю.

Пазней стала вядома, што ў будынку праходзіць вобшук у аўтаномнай некамерцыйнай арганізацыі (АНО) «Кансорцыум медтэхнікі», якая працуе па дзяржкантрактах. Па словах фінансавага дырэктара «МК» Кацярыны Чарэшнікавай, рэдакцыя пераехала ў гэты будынак летась. Яна расказала, што на просьбу прад’явіць дакументы і патлумачыць мэту візіту сілавікі параілі журналістам звярнуцца «ці то ў ГУ МУС Масквы, ці ў СК Расіі, ці, увогуле, у ФСБ».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com