«Белавія» змяніла расклад палётаў «па тэхнічных прычынах»

Ужо ёсць першыя адмены.

Час адлёту і прылёту асобных рэйсаў «Белавіі» змяняецца з 20 мая, паведаміла авіякампанія.

«Па тэхнічных прычынах скарэктаваны час адлёту і прылёту асобных рэйсаў на сёння і бліжэйшыя даты», — паведамілі ў «Белавіі» ўвечары 20 мая.

Перад выездам у аэрапорт авіяперавозчык раіць правяраць актуальны расклад на старонцы «Табло адлёту/прылёту» на сваім сайце або на аналагічнай старонцы Нацыянальнага аэрапорта Мінск.

У Threads ужо можна знайсці абураных тым, што ім аўтаматычна памянялі квіткі. Так, адна карыстальніца паказала скрыншот паведамлення пра тое, што скасаваны рэйс Мінск — Алматы, запланаваны на 21 мая. А квіток заменены на рэйс, які павінен адправіцца тым жа маршрутам 25 мая.

Адна з кліентак кампаніі распавяла, што атрымала аналагічнае паведамленне і ёй «прапануюць перанос дат або вяртанне сродкаў».

Зыходзячы з анлайн-табло на сайце «Белавіі», 20 мая на некалькі гадзін затрыманыя (да 22:30) адлёты ў Хургаду і Анталію, скасаваныя два рэйсы ў маскоўскі аэрапорт Дамадзедава, прыблізна на гадзіну (да 21:00) затрыманы вечаровы самалёт у Шарамецьева. А 21 мая, як вынікае з дадзеных, адлёт у Тэль-Аўіў затрымаюць на чатыры гадзіны — да 8:30. Таксама скасаваны адзін вечаровы рэйс у Дамадзедава і згаданы самалёт у Алматы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com