«Дзе яшчэ у Еўропе ёсць 110 брыгад?»

Швецыя падтрымала ўступленне Украіны ў НАТА.

Швецыя поўнасцю падтрымлівае ўступленне Украіны ў НАТА і Еўрасаюз у будучыні. Пра гэта заявіў міністр абароны краіны Пол Ёнсан падчас выступлення на форуме па бяспецы GLOBSEC ў Празе, піша Politico.

Паводле слоў Ёнсана, любая еўрапейская краіна мае права далучыцца да альянсу, калі яна адпавядае яго патрабаванням. Міністр нагадаў пра палітыку «адкрытых дзвярэй» і падкрэсліў, што ніводная дзяржава не павінна мець права блакаваць уступленне іншых краін.

Шведскі міністр бачыць у Украіне надзвычай каштоўны актыў для еўрапейскай бяспекі ў будучыні. Галоўныя аргументы — гэта каласальны вопыт, які атрымліваюць украінскія вайскоўцы, і імклівае развіццё іх уласнай вытворчасці ўзбраення. За час паўнамаштабнай вайны Кіеў спрасціў правілы для абароннага бізнесу і адкрыў рынак для канкурэнцыі, што дазволіла нарошчыць выпуск тэхнікі з неверагоднай хуткасцю.

«Дзе яшчэ у Еўропе можна знайсці 110 брыгад? Дзе яшчэ ёсць такая сістэма інавацый, якую прадэманстравала Украіна? Дзе яшчэ мы зможам знайсці такія прамысловыя магутнасці?» — рыторычна спытаў Ёнсан.

Пры гэтым кіраўнік шведскага Мінабароны прызнаў, што ўнутры самога альянсу пакуль няма адзінства. Пытанне пра будучыню Украіны застаецца адным з самых вострых: частка саюзнікаў падтрымлівае Кіеў, а іншыя баяцца, што занадта хуткае ўступленне справакавае Расію або ўцягне НАТА ў прамы канфлікт.

«Я разумею, што ёсць саюзнікі, якія супраць. Але калі вы пытаецеся пра нашу пазіцыю, то яна менавіта такая», — падсумаваў палітык.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com