Кубілюс: Украіна выйграла бітву за Чорнае мора

Дроны ЗСУ загналі расійскі флот назад у парты.

Украіна пачынае пераўзыходзіць праціўніка па ўсіх напрамках у вайне, развязанай Расіяй, і ўжо фактычна выйграла бітву за Чорнае мора.

Пра гэта заявіў еўракамісар па пытаннях абароны і космасу Андрус Кубілюс на Чарнаморскім форуме бяспекі, паведамляе «Укрінформ».

«Сёння ўкраінскія беспілотнікі загналі расійскі флот назад у яго парты. Цяпер можна сказаць, што Украіна выйграла бітву за Чорнае мора — гэта самая вялікая марская перамога над Расіяй за больш як 120 гадоў, з часоў руска-японскай вайны. У той жа час барацьба за Украіну працягваецца», — адзначыў еўракамісар.

Кубілюс адзначыў, што поспех Украіны ў супрацьдзеянні Расіі на Чорным моры пачаўся чатыры гады таму з подзвігу герояў Змяінага вострава і патаплення флагмана Чарнаморскага флоту РФ — крэйсера «Масква».

Паводле яго слоў, Украіна пачынае пераўзыходзіць праціўніка на ўсіх напрамках.

«Украінскія дроны спынілі прасоўванне Расіі на моры, на сушы і ў паветры, а цяпер наносяць удары па ўсё больш важных цэлях у глыб тэрыторыі Расіі. Чым больш Украіна дасягае поспехаў, тым больш нервуецца Пуцін, узмацняючы ракетныя і дронныя атакі», — падкрэсліў ён.

Таксама еўракамісар заўерыў, што Еўрасаюз не мае намеру скарачаць падтрымку Украіны, а наадварот — будзе нарошчваць дапамогу, бо Украіна абараняе не толькі ўласную незалежнасць, але і бяспеку ўсёй Еўропы.

«Украіна мае найвялікшую, найлепшую і найхрабрэйшую армію ў Еўропе. Яна таксама стварыла адну з самых інавацыйных абаронных галін у свеце дзякуючы досведу, набытаму на полі бою вельмі высокім коштам», — дадаў ён.

Акрамя таго, Кубілюс выказаў надзею, што ў будучыні Украіна стане адным з ключавых элементаў еўрапейскай сістэмы бяспекі і важнай складовай будучага Еўрапейскага абароннага саюза. Членства Украіны ў ЕС стане важным фактарам умацавання бяспекі як у Чарнаморскім рэгіёне, так і ва ўсёй Еўропе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com