У Сеуле прайшлі спаборніцтвы па сне

Найлепш удалося паспаць удзень 80-гадоваму жыхару сталіцы Паўднёвай Карэі.

2 мая ў сталіцы Паўднёвай Карэі адбыліся спаборніцтвы па кароткім дзённым сне (power nap). Паводле меркавання шэрагу даследчыкаў, такі сон дапамагае аднавіць арганізм у выпадку начнога недасыпу, ад якога людзі часта пакутуюць праз стрэсы і перапрацоўкі.

Арганізатарам спаборніцтваў з'яўляецца мэрыя Сеула, якая хоча такім чынам звярнуць увагу грамадскасці на праблему недасыпу і дапамагчы людзям навучыцца аднаўляць свае сілы. Паводле некаторых звестак, Паўднёвая Карэя з'яўляецца адной з краін — членаў Арганізацыі эканамічнага супрацоўніцтва і развіцця, дзе людзі найбольш перагружаныя працай і пакутуюць ад недасыпу.

Учорашнія спаборніцтвы па кароткім дзённым сне праводзяцца ў Сеуле ўжо трэці год. Роўна а 15-й гадзіне па мясцовым часе ў адным з мясцовых паркаў збіраюцца дзесяткі ўдзельнікаў, якім неабходна на працягу прыкладна адной гадзіны як мае быць паспаць. Якасць сну ацэньваюць суддзі — яны апранаюць удзельнікам спаборніцтваў пульсаметры і вымяраюць дынаміку частаты сардэчных скарачэнняў за ўвесь час спаборніцтва.

Сёлета найлепш удалося паспаць удзень 80-гадоваму жыхару сталіцы — ён і стаў пераможцам. Другое месца заняў 37-гадовы офісны работнік, які, паводле яго слоў, спіць уначы ўсяго каля трох–чатырох гадзін.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com