На якіх работнікаў у Беларусі самы высокі попыт?

У краіне не хапае вадзіцеляў.

Найбольш запатрабаваная прафесія ў Беларусі цяпер — вадзіцель. У агульнарэспубліканскім банку вакансій для такіх спецыялістаў ёсць некалькі тысяч прапаноў. Пра гэта першая намесніца міністра працы і сацыяльнай абароны Таццяна Астрэйка расказала газеце «Рэспубліка».

Усяго ў базе цяпер больш за 135 тысяч свабодных рабочых месцаў. Пры гэтым каля 70% вакансій — для прадстаўнікоў рабочых спецыяльнасцяў.

Паводле слоў прадстаўніцы Мінпрацы, у рэспубліканскай базе вакансій налічваецца 7,3 тыс. прапаноў, але на момант выхаду гэтай навіны іх было ўжо больш за 9 тыс.

Пасля вадзіцеляў наймальнікі найчасцей шукаюць электраманцёраў і прадаўцоў. Для першых у базе ёсць амаль 4,5 тыс. прапаноў, для другіх — больш за 3,3 тыс.

Таксама ў пяцёрку самых запатрабаваных спецыялістаў увайшлі трактарысты і ўрачы. Застаецца попыт і на інжынераў і бухгалтараў. Акрамя таго, наймальнікі шукаюць ветэрынарных урачоў і майстроў.

— Як ніколі раней, цяперашні рынак працы арыентаваны на прэтэндэнта. У людзей ёсць выбар, і яны сталі больш патрабавальнымі. Гэта добра бачна на прыкладзе прафесіі прадаўцоў, для якіх цяпер адкрыта каля трох тысяч вакансій. Тыя з іх, па якіх наймальнікі прапануюць мінімальную зарплату, застаюцца незапоўненымі, бо ў прэтэндэнтаў ёсць варыянты з больш выгаднымі ўмовамі, — заявіла Таццяна Астрэйка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com