У Арменіі адказалі на нервовую тыраду лукашэнкаўскага МЗС

Мадэль дзяржаўнага кіравання Беларусі непрымальная для Ерэвана.

Спікер парламента Арменіі Ален Сіманян пракаментаваў нервовую рэакцыю МЗС Беларусі на яго словы аб краіне і растлумачыў, што, на ягоную думку, уплывае на пагаршэнне адносін паміж Мінскам і Ерэванам. Пра гэта паведамляе Panorama.

Адказваючы на просьбу журналістаў пракаментаваць заяву беларускага знешнепалітычнага ведамства аб «перадвыбарчым папулізме» ў Арменіі, Сіманян сказаў:

«Не каментую. Беларусь — гэта Беларусь, Арменія — гэта Арменія. Я ў адказе за сваю краіну».

Гаворачы пра двухбаковыя адносіны, ён падкрэсліў, што напружанне выклікае не ягоныя заявы, а пазіцыя Мінска:

«Адносіны пагаршае не гэта, а непаважлівае стаўленне да Арменіі, да саюзніка па АДКБ, да армянскай дзяржаўнасці. Адносіны пагоршыла падрыхтоўка з Азербайджанам да 44-дзённай вайны. Ёсць мноства фактараў, якія пагаршаюць адносіны, і палітычны курс — гэта выбар кожнай дзяржавы».

Таксама Сіманян заявіў, што мадэль дзяржаўнага кіравання Беларусі непрымальная для яго краіны:

«Для Арменіі правы чалавека і свабоды з'яўляюцца найважнейшымі каштоўнасцямі. Я лічу, што кожная краіна выбірае свой шлях: мы выбралі шлях дэмакратызацыі, а яны — некалькі іншы шлях, не такі, як у Арменіі».

У завяршэнне ён падкрэсліў прыхільнасць суверэннаму развіццю Арменіі:

«Арменія губерняй не будзе, Арменія не будзе ў палітычнай залежнасці, Арменія будзе павышаць узровень свайго суверэнітэту, і прыклад кіравання ў Беларусі для маёй краіны, для мяне непрымальны. Арменія — свабодная краіна, са сваімі свабоднымі медыя, правамі чалавека, вяршэнствам права».

Адзначым, лукашэнкаўскі МЗС пакрыўдзіўся на заяву Алена Сіманяна, які назваў беларускі рэжым — губерняй Расіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com