Еўразвяз адказаў на дыпламатычны шантаж Масквы

ЕС не будзе выводзіць сваіх дыпламатаў з Кіева.

Нягледзячы на публічныя пагрозы Крамля зноў атакаваць Кіеў, Еўрапейскі саюз не зменіць сваёй пазіцыі і прысутнасці ў сталіцы Украіны. Пра гэта заявіў прадстаўнік Еўракамісіі Ануар Эль-Ануні, якога цытуе «Еўрапейская праўда».

«Дазвольце мне пацвердзіць нашу пазіцыю па гэтым пытанні, — сказаў палітык. — Публічныя пагрозы Расіі напасці на Кіеў з’яўляюцца часткай яе безразважнай эскалацыйнай тактыкі. Што да нас, ЕС, мы не будзем змяняць нашу пазіцыю або прысутнасць у Кіеве».

Эль-Ануні падкрэсліў, што «Расія зноў абуральна спрабуе ўскласці віну на Украіну за сваю ўласную захопніцкую вайну».

«Атакі Расіі — гэта, на жаль, штодзённая рэальнасць у Кіеве і ў іншых месцах Украіны, — сказаў ён. — За апошнія гады Расія ўжо нанесла шкоду некалькім дыпламатычным прадстаўніцтвам у Кіеве, уключаючы дэлегацыю ЕС, сваімі безразважнымі атакамі. Расія штодня атакуе Кіеў і іншыя гарады па ўсёй Украіне, забіваючы невінаватых грамадзян».

Эль-Ануні канстатаваў, што «нягледзячы на доўгатэрміновыя спробы Украіны заклікаць да спынення агню і міру, уключаючы нядаўнюю прапанову прэзідэнта Зяленскага, Расія ніколі не выявіла ані найменшага сур’ёзнага намеру спыніць вайну, а замест гэтага працягвае эскалацыю і забойствы».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com