У Маскве ў паніцы пачалі шукаць бомбы пад машынамі

Пасля падрыву аўтамабіля ў Балашысе.

У маскоўскім рэгіёне 9 чэрвеня адбыліся ўжо тры інцыдэнты з замініраванымі аўтамабілямі. Як піша «Асцярожна, Масква», у аўторак а шостай вечара ў сувязі з выяўленнем «падазронага прадмета» пад дном прыпаркаванага аўтамабіля быў эвакуяваны буйны гандлёвы цэнтр «Небо» ў раёне Солнцава на захадзе сталіцы.

Паводле звестак канала, сілавікі перакрылі дарогу побач з комплексам. Гэта пацвярджае і Msk1. «Перакрыта вуліца Авіятараў. Людзі эвакуююцца з ГЦ «НеБо». Побач з ГЦ знаходзіцца мноства паліцэйскіх аўтамабіляў», — паведаміў адзін з відавочцаў. На месца здарэння прыбылі супрацоўнікі паліцыі, пажарныя, машыны хуткай дапамогі і «вайсковыя спецыялісты».

Незадоўга да гэтага стала вядома пра выбух у раёне Канькова на паўднёва-захадзе сталіцы. НП з электракарам Zeekr здарыўся на стаянцы каля скрыжавання вуліц Бутлерава і Увядзенскага (недалёка ад станцыі метро Беляева).

Першапачаткова тэлеграм-каналы паведамлялі, што пасля выбуху пад капотам узнік пажар, які патушылі відавочцы, піша The Moscow Times.

Пазней у Следкаме заявілі пра выяўленне «падазронага прадмета пад аўтамабілем» і яго кантраляваную дэтанацыю. Да гэтага, ранняй раніцай, у мікрараёне Авіятараў у падмаскоўнай Балашысе выбухнуў іншы аўтамабіль, у выніку чаго, паводле папярэдняй інфармацыі, загінуў начальнік упраўлення Галоўнага ракетна-артылерыйскага ўпраўлення (ГРАУ) Мінабароны Дамір Давыдаў.

Выбух, судзячы па апублікаваных кадрах з месца здарэння, прагрымеў, калі вадзіцель сеў у BMW X3 і пачаў выязджаць са стаянкі. Мужчыну паспелі выцягнуць жывым з палаючага аўтамабіля, але выратаваць яго не ўдалося. Пра тое, што ў выніку выбуху загінуў менавіта Давыдаў, напісаў украінскі блогер Анатоль Шарый. Пазней такая ж інфармацыя з’явілася ў канале «ВЧК-ОГПУ», звярнула ўвагу «Агенцтва».

«ВЧК-ОГПУ» сцвярджае, што Давыдаў набыў падарваны кросовер у 2024 годзе ў бізнесмена з Уладзімірскай вобласці, дзе ён раней працаваў начальнікам Цэнтральнага выпрабавальнага тэхнічнага бюро пры 51-м арсенале ГРАУ. СКР пацвердзіў факт «падрыву выбуховага прыстасавання» і распачаў крымінальную справу, аднак не ўдакладніў, па якім артыкуле.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com