У забітага ў Польшчы мастака, які маляваў карыкатуры на Лукашэнку і Пуціна, засталося пяць дзяцей

Удава цяжарная шостым дзіцем.

У расійскага мастака Сямёна Скрэпецкага, якога забілі 15 чэрвеня ў Бяла-Падлясцы, засталося пяць дзяцей, удава цяжарная шостым. Пра гэта распавёў Deutsche Welle крыніца ў беларускай дыяспары, якая пажадала захаваць ананімнасць.

Суразмоўца выдання паведаміў, што Сямён Скрэпецкі не раз браў удзел у антываенных мітынгах, якія ў горадзе праводзілі беларусы і ўкраінцы. Ён апісаў Бяла-Падляску як спакойны і бяспечны горад і лічыць, што расійскі мастак менавіта таму і выбраў яго для жыцця.

«Усё як на далоні. Ты ведаеш кожную машыну, кожнага. У яго пяць дзяцей, цяпер шостым жонка цяжарная. І тут, у маленькім горадзе, вялікай сям'і прасцей жыць», — сказаў суразмоўца DW.

Раней удава мастака Вікторыя Іваніцкая паведаміла ў сацсетках, што знаходзіцца разам з дзецьмі ў бяспецы пад аховай спецслужбаў Польшчы.

Нагадаем, 15 чэрвеня каля дзясятай раніцы ў Бяла-Падлясцы, на стаянцы каля скрыжавання вуліц Тэрэбельскай і Каралевы Ядвігі, стрэламі з агнястрэльнай зброі быў забіты 44‑гадовы грамадзянін Расіі, які пражываў у гэтым горадзе. Ім аказаўся антыпуцінскі мастак-карыкатурыст, бард, акцыяніст і блогер Сямён Скрэпецкі (сапраўднае імя — Роберт Кузоўкоў). У сваіх працах і перформансах ён крытыкаваў расійскія ўлады, у тым ліку Уладзіміра Пуціна і кіраўніка Чачні Рамзана Кадырава. Некаторыя ягоныя працы адлюстроўвалі Аляксандра Лукашэнку. З-за рызыкі палітычнага пераследу ў 2021 годзе мастак пераехаў у Польшчу.

Пасля здарэння затрымалі двух грамадзян Беларусі. Як раней паведамляла пракуратура, іх затрымалі каля консульства Беларусі ў Бяла-Падлясцы. Следчыя правяраюць магчымую сувязь мужчын са злачынствам, аднак абвінавачанні ім пакуль не выстаўленыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com