Старэючы дыктатар у тупіку

Пра сэнс выступу Пуціна.

Пуцін нарэшце разгорнута выступіў (і на з’ездзе ЕР, і для насельніцтва па ТБ, адказаўшы на пытанні Зарубіна).

Ён паўтарыў тое, што добра вядома:

1) ён будзе весці вайну, пакуль не захопіць «Данбас і Наварасію» + разлічвае пакінуць за сабой «буферную зону» ў Сумскай і Харкаўскай вобласцях,

2) спыненне агню ён адхіляе, спасылаючыся на бясплоднасць Мінскіх пагадненняў,

3) прапанову ўзаемна спыніць абстрэлы аб’ектаў і гарадоў па-за зонай фронту адхіляе,

4) «усё ідзе добра, на фронце адны поспехі».

Аднак вось што кідаецца ў вочы.

1) Ён працягнуў сваю рытарычную практыку пералічваць нейкія падрабязнасці штурмавых аперацый (95 адсоткаў Канстанцінаўкі узята, засталося 149 двароў узяць яшчэ ў нейкім пасёлку, плацдарм ЗСУ на левым беразе Аскола скараціўся да 2 км — і гэтак далей). А такая рыторыка цяпер выклікае буру абурэння сярод «патрыётаў».

2) Ніякай інтанацыі пераходу да «свяшчэннай вайны». Хоць гэтага многія і чакаюць. То-бок Пуцін прапануе проста інэрцыйна трымацца той жа стратэгіі.

3) То-бок сэнс яго выступу: буду проста руцінна ваяваць, як ваяваў.

Добрай навіной тут з’яўляецца тое, што Пуцін не чуе ўласнае лаялісцкае асяроддзе. Яно чакае ад яго нейкага пераканальнага адказу на заявы розных персанажаў ад імя розных сегментаў: Боня – Касперская – Мархаеў – Лунін і г.д., і г.д.

Ніякай развілкі ён не бачыць, ніякага «акна магчымасцяў» таксама. Ён не чуе і «насельніцтва». Якое гучна задае пытанне: а дзе ж СПА? У яго дзяжурны, мала вынаходлівы адказ: СПА будзе, я даў даручэнне вырабляць.

Бензінавага крызісу няма, – сказаў ён. – Размовы пра яго накіраваныя на «раскол грамадства».

Гэта азначае толькі тое, што, як і ўсе састарэлыя дыктатары, якія загналі сябе ў тупік, ён будзе патрабаваць пераследаваць за «панікёрства», ФСБ будзе сачыць за «расколам грамадства».

Аляксандр Марозаў, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com