Дзмітрый Асанаў нокаўтаваў венесуэльца Роджэра Гутьерэса

Беларускі баксёр абараніў паяс IBF Intercontinental і застаўся непераможным

Беларускі баксёр Дзмітрый Асанаў зноў утрымаў за сабой чэмпіёнскі паяс IBF Intercontinental у лёгкай вазе, піша «Трыбуна».

У тытульным баі наш суайчыннік не пакінуў шанцаў венесуэльцу Роджэру Гутьерэсу.

Паядынак, у якім было запланавана дзесяць раўндаў, завяршыўся датэрмінова — у шостым раундзе Дзмітрый аформіў тэхнічны нокаўт.

Яшчэ большай вагі перамозе беларуса надае той факт, што яго супернік апусціўся з другой паўлёгкай вагі ў пошуках трыумфаў у больш лёгкай катэгорыі.

Іранічна, але лацінаамерыканец прайграў другі з двух баёў у новай вагавой катэгорыі. А яго апошняя на сёння перамога і ўвогуле датуецца 2021 годам.

Гэтая вікторыя стала для Асанава 13-й у прафесійнай кар'еры і 7-й, здабытай нокаўтам.

Дзмітрый Асанаў — адзін з самых паспяховых беларускіх баксёраў сучаснасці.

Нарадзіўся ў 1996 годзе ў Маладзечне, спортам займаецца з дзяцінства, яго першым трэнерам быў бацька. У аматарскай кар'еры Асанаў заваяваў срэбра Еўрапейскіх гульняў, бронзу чэмпіянату свету і станавіўся чэмпіёнам Еўропы. З 2022 года выступае ў прафесійным боксе і да гэтага часу непераможны.

Асанаў займае 13-ю пазіцыю ў рэйтынгу WBC і ўваходзіць у топ-50 паводле версіі BoxRec.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com