Польскі мільярдэр будуе 55-метровую статую Дзевы Марыі

Яна будзе вышэйшая за Хрыста-Збавіцеля ў Рыа.

У вёсцы Конотопе (Konotopie) непадалёк ад Торуня ў Куяўска-Паморскім ваяводстве Польшчы працягваецца будаўніцтва статуі Дзевы Марыі вышынёй 55,6 м. Пра гэта паведаміла выданне Wirtualny Toruń, якое апублікавала фота з будаўніцтва.

Сама статуя будзе мець вышыню 40,6 м і будзе ўстаноўленая на 15-метровым пастаменце ў форме кароны, у якім плануюць абсталяваць аглядальную пляцоўку.

Урачыстае адкрыццё адбудзецца 15 жніўня, і яна будзе вышэйшая за статую Хрыста-Збавіцеля ў Рыа-дэ-Жанейра, Бразілія, і за статую Хрыста-Валадара ў польскім Свебодзіне.

Ініцыятарам і галоўным інвестарам будаўніцтва з'яўляецца польскі мільярдэр Раман Каркосік і ягоная жонка Гражына. Каркосік — заснавальнік адной з найбуйнейшых у краіне кампаній Boryszew і ўваходзіць у ліку самых багатых прадпрымальнікаў Польшчы.

Манумент узводзяць побач з вядомым каталіцкім пілігрымніцкім цэнтрам, дзе знаходзіцца шанаваная фігура Маці Божай Балеснай. Гэты цэнтр у 2012 годзе таксама пабудавалі за грошы сужэнцаў Каркосік.

У вёсцы Конотопе жыве ўсяго 120 чалавек, аднак мясцовыя ўлады разлічваюць, што новы аб'ект прыцягне турыстаў і пілігрымаў з усёй Польшчы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com