Зорны акцёр атрымаў стогадовыя гібрыды Harley-Davidson і электрычныя Land Rover

Джэйсан Мамоа вырашыў асучасніць свае вінтажныя аўтамабілі і матацыклы.

Акцёр Джэйсан Мамоа вырашыў асучасніць вінтажныя аўтамабілі і матацыклы са сваёй калекцыі. Яны атрымалі электрычныя сілавыя ўстаноўкі.

Незвычайны цюнінг матацыклаў і аўто Джэйсана Мамоа зрабілі для новага сезона яго тэлешоў «На дарозе» (On The Roam), якое здымае HBO. Пра гэта распавядае сайт Electrek.

Ажыццявіць цікавы праект дапамагла кампанія Electrogenic, якая спецыялізуецца на электрыфікацыі старадаўніх аўто і матацыклаў. Усяго для зоркі «Аквамэна» і «Гульні тронаў» такім чынам пераабсталявалі пяць транспартных сродкаў.

Матацыклы Harley-Davidson Model FD 1921 года і Model JD 1924 і 1927 гадоў атрымалі электрарухавік на 15 к.с. і 260 Н·м у заднім коле. Ён дапоўніў бензінавы рухавік, які развівае 20 к.с. і 68 Н·м. Таксама ўсталявалі здымныя батарэі ёмістасцю 2,7 кВт·г і сучасныя дыскавыя тармазы.

Байкі Harley-Davidson не толькі сталі хутчэйшымі, але і здольныя праехаць 80 км на электрацязе. Зарадка займае 2,5 гадзіны. Да таго ж электрарухавік цяпер выконвае ролю стартэра (яго ў гэтых матацыклах няма).

Пазадарожнікі Land Rover сталі электрамабілямі, захаваўшы фірмовую сістэму поўнага прываду. Мадэль 1949 года абсталявалі рухавіком магутнасцю 204 к.с. і батарэяй на 48 кВт·г. Запас ходу перавышае 240 км.

Арыгінальны аўтадом Land Rover Dolomite 1961 года (адзін з 150 выпушчаных) мае электрарухавік на 163 к.с., але больш ёмістую батарэю — 62 кВт·г. Унутры з'явілася індукцыйная пліта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com