«Буду рада падпісаць дагавор аб уступленні Украіны»

Марта Кос распавяла пра тэрміны перамоваў з ЕС.

Уступленне дзяржаў у Еўрапейскі саюз нельга абмежаваць канкрэтнымі датамі, але існуюць тэрміны, на якія разлічваюць кандыдаты.

Пра гэта распавяла на сустрэчы з журналістамі ў Кіеве еўракамісар Марта Кос, паведамляе карэспандэнт «Еўрапейскай праўды».

Еўракамісар Кос падкрэсліла, што, нягледзячы на запыты Украіны аб вызначэнні даты ўступлення, Еўрасаюз не можа гэтага зрабіць, бо так уладкаваны працэс пашырэння. У той жа час Еўракамісія не пярэчыць супраць таго, каб краіна-кандыдат сама вызначала для сябе часовыя планы.

- Пашырэнне ЕС ніколі не грунтуецца на датах. Але мы маем сітуацыю, калі асобныя кандыдаты ўсталёўваюць пэўныя часавыя рамкі, якія мы падтрымліваем, – адзначыла яна.

У якасці прыкладаў Кос прывяла іншыя, акрамя Украіны, дзяржавы і іх намеры, пра якія яны данеслі да Бруселя.

- Чарнагорыя хоча завяршыць тэхнічныя перамовы, то-бок закрыць усе раздзелы, да канца гэтага года або ў пачатку наступнага. Мы падтрымліваем, але Чарнагорыі трэба паказаць вынікі. Албанія кажа, што хоча зрабіць гэта да канца наступнага года – добра, але таксама трэба гэта зрабіць. Малдова хоча завяршыць тэхнічную частку перамоваў у 2028 годзе. Мы таксама не супраць такога прагрэсу, – патлумачыла яна.

Еўракамісар нагадала, што пашырэнне — гэта спалучэнне тэхнічнай часткі перамоў, за якую адказвае Еўракамісія, і палітычнай часткі.

Кос не стала казаць, якое менавіта намерэнне Кіева адносна тэхнічных перамоў бачаць у Бруселі. Як вядома, Украіна заяўляе пра планы не толькі правесці перамовы, але і ўступіць у ЕС як мага хутчэй, прычым называліся розныя даты — ад 2027 да 2030 года.

- Асабіста я буду вельмі рада, калі Украіна падпіша пагадненне аб уступленні на працягу майго мандата. Але прывесці Украіну ў ЕС — гэта значна больш, чым мая адказнасць, — дадала яна. Мандат Кос у Еўракамісіі завяршаецца напрыканцы 2029 года.

Аднак яна заклікала Кіеў зыходзіць з таго, што Украіна далучыцца да тых кандыдатаў, якія будуць мець падобны прагрэс рэформаў.

- Прагрэс кожнай дзяржавы будзе залежаць ад рэформаў. І калі прагрэс рэформаў будзе параўнальным — дык і прагрэс у перамовах будзе падобным. Для дзяржаў, якія рухаюцца марудней, — прагрэс будзе запавольвацца, — патлумачыла яна.

Еўрапейскі камісар па пытаннях пашырэння Марта Кос перакананая, што дэбаты пра ўступленне Украіны ў ЕС дазволяць знайсці падыход да частковай інтэграцыі яшчэ да паўнавартаснага ўступлення.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com