ISW: Насельніцтва РФ масава просіць Крэмль аб завяршэнні вайны

Гэта стала рэкордным паказчыкам з пачатку поўнамаштабнага ўварвання ў 2022 годзе.

Інстытут вывучэння вайны ISW паведамляе пра прыкметны рост цікавасці расіян да пытання завяршэння вайны супраць Украіны на фоне пачашчэння атак беспілотнікаў і ракет па тэрыторыі РФ. Амерыканскія аналітыкі адзначаюць, што толькі з 22 па 28 чэрвеня было зафіксавана больш за 137 тысяч пошукавых запытаў на тэму «калі Расія скончыць вайну супраць Украіны».

Гэта стала рэкордным паказчыкам з пачатку поўнамаштабнага ўварвання ў 2022 годзе. Рост запытаў, як адзначаецца, асабліва прыкметны ў Маскве і Санкт-Пецярбургу і прылеглых рэгіёнах, якія Крэмль традыцыйна імкнецца надзейна абараняць сістэмамі СПА, але апошнім часам безвынікова.

ISW таксама прыводзіць даныя апытанняў, згодна з якімі ўзровень даверу да Уладзіміра Пуціна знізіўся на некалькі працэнтных пунктаў у чэрвені, што супала з серыяй атак на Маскоўскую вобласць.

Паводле ацэнкі Інстытута, нягледзячы на ўплыў дзяржаўных структур на сацыялагічныя даныя, тэндэнцыя ўсё роўна відавочная і сведчыць пра прыкметны рост стомленасці расійскага грамадства ад вайны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com