Расію накрывае паліўны шок

Рост цэн на бензін дасягнуў 20% за год.

У Расіі працягвае палыхаць паліўны крызіс, выкліканы атакамі ўкраінскіх дронаў на НПЗ. За апошні тыдзень з 23 па 29 чэрвеня бензін падаражэў яшчэ на 1,6%, а дызельнае паліва — на 2,2%, паведаміў Расстат. У параўнанні з папярэднім тыднем (3% і 2,7% адпаведна) гэта запаволенне, але за месяц (без аднаго дня) бензін падаражэў на 6,7%, а дызель — на 6,9%. З пачатку года іх цэны выраслі на 11,6% і 11% адпаведна, перадае The Moscow Times.

Месячны рост цэн на бензін стаў максімальным з ліпеня 2009 года і ўвайшоў у топ наймацнейшых за чвэрць стагоддзя даступнай статыстыкі Расстата. Хутчэй за месяц (апрача ліпеня 2009-га) бензін даражаў толькі ў чэрвені 2009 года (на 8,82%), у верасні 2005-га (на 7,86%), а таксама ў чэрвені і маі 2002-га (на 12,26% і 10,68% адпаведна).

Гадавы рост цэн склаў 19,71% паводле ацэнкі Мінэканомразвіцця і стаў максімальным з мая 2010 года.

З-за недахопу паліва рэзка пашырыўся дыяпазон цэн. Рознічныя сеткі нафтавых кампаній падтрымліваюць цэны, блізкія да дакрызісных, піша Reuters: літр АІ‑92 каштуе 63–66 руб., АІ‑95 — 70–73 руб. Аднак на прыватных АЗС сталі прапаноўваць паліва па 120 і нават 140 руб. за літр.

У анексаваным Крыме цэны набліжаюцца да 200 руб. Кошт бензіну на запраўках у Севастопалі вырас да 199 руб. за літр, у Крыме паліва адпускаюць у сярэднім па 185–200 руб., паведамляе «Коммерсант». Там няма НПЗ, а пастаўкі з Расіі практычна спыненыя праз атакі ўкраінскіх беспілотнікаў.

Нягледзячы на запаволенне мінулага тыдня, чэрвеньскі прырост цэн на бензін «усё адно аказаўся рэкордным за многія гады», канстатуе эканаміст Кірыл Радзёнаў. Гэта будзе ўплываць на дынаміку інфляцыі, асабліва з улікам абмежаванняў на адпуск паліва, якія ўплываюць на выдаткі грузаперавозак, папярэджвае ён: «Абмежаванні ўрэшце будуць пераносіцца ў цэны на „непаліўныя“ тавары і паслугі».

Інфляцыя ўжо паскараецца, вынікае з даных Расстата: сярэднясутачны рост цэн у чэрвені ў 6 разоў перавышае ўзровень мая і ў 4 разы — узровень чэрвеня мінулага года. З пачатку месяца індэкс спажывецкіх цэн вырас на 0,85% — рэкордна для чэрвеня з 2012 года. Гадавая інфляцыя, паводле разлікаў МЭР, павялічваецца пяты тыдзень запар і дасягнула 6% — максімуму з студзеня.

Першы віцэ-прэм'ер Аляксандр Новак патлумачыў праблемы з бензінам «лагістычнымі зменамі». Дроны часткова або поўнасцю вывелі з ладу большасць буйных НПЗ у еўрапейскай частцы Расіі. Да канца года спыненая праца Маскоўскага НПЗ, які забяспечваў каля 40% спажывання сталіцы. У спробе здабыць бензін Расія перайшла да імпарту з суседніх краін і нават закупіла невялікую партыю ў Індыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com