Якіх грыбоў сёлета ў беларускім лесе будзе найбольш?

Распавялі вучоныя.

Гэты год у Беларусі будзе ўдалым па ўраджайнасці грыбоў, прагназуюць у Інстытуце лесу Нацыянальнай акадэміі навук.

«Адзін з маркераў нядрэннай ураджайнасці грыбоў — гэта снежныя зімы», — патлумачыў навуковы супрацоўнік сектара харчовых і лекавых рэсурсаў лесу Інстытута лесу Ігар Маховік.

Паводле яго слоў, калі снежны пакроў добры, вада назапашваецца ў лесе на ўсіх узроўнях, што і забяспечвае ў летне-асенні перыяд высокі ўраджай грыбоў.

«У цэлым гэты сезон будзе блізкі да сярэдніх шматгадовых значэнняў, а значыць, удачны па ўраджайнасці», — сказаў вучоны.

Асаблівасць гэтага сезона — будзе шмат апенькаў. Гэта абумоўлена тым, што ў лясах пасля бураломаў было даволі шмат высечак і, адпаведна, валежнай драўніны.

Прагназуюць таксама добры ўраджай лісічак. Баравік — на ўзроўні сярэдніх паказчыкаў. Падбярозавікаў можа быць больш, чым звычайна, а падосінавікаў, наадварот, менш — яны вельмі патрабавальныя да вады.

Найбольш багатымі на грыбы ў Беларусі лічацца Віцебская вобласць, поўнач Мінскай вобласці, асобныя раёны ў Гродзенскай і Магілёўскай абласцях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com