79‑гадовая пенсіянерка спрабавала спаліць дом з унукам і яго дзяўчынай

Бабуля лічыла дзяўчыну непадыходнай парай.

У вёсцы Кімія Барысаўскага раёна 79‑гадовая жанчына здзейсніла спробу падпаліць дом — ёй не спадабаўся выбар унука, паведамляе «Мінская праўда».

Па інфармацыі СК, у ноч на 28 ліпеня пажылая жанчына, незадаволеная раманам свайго ўнука з мясцовай жыхаркай, прыйшла да дома дзяўчыны і паленам разбіла аконнае шкло. Тады яе супакоіла суседка, і пенсіянерка пайшла.

Аднак пазней, калі маладыя людзі вярнуліся і глядзелі тэлевізар, бабуля прыйшла зноў, праз разбітае акно абліла памяшканне гаручай вадкасцю і падпаліла.

Дом з маладымі людзьмі не згарэў, бо хлопец з дзяўчынай яшчэ не спалі і змаглі хутка патушыць агонь.

Жанчына затрыманая і не адмаўляе сваёй віны.

Высветлілася, што раней яна ўжо мела судзімасць за падпал.

Супраць пенсіянеркі ўзбуджана крымінальная справа за замах на наўмыснае знішчэнне маёмасці, ёй пагражае да 10 гадоў пазбаўлення волі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com