Мінкульт расставіў прыярытэты: цагліны з Брэсцкай крэпасці важней за карціны Шагала

Што ўлады Беларусі будуць ратаваць у першую чаргу?

Міністэрства культуры зацвердзіла парадак эвакуацыі гісторыка-культурных каштоўнасцяў, якім пагражае знішчэнне ў выпадку надзвычайных сітуацый або ўзброенага канфлікту, у тым ліку за межамі рэспублікі. Адпаведная пастанова апублікавана на Нацыянальным прававым інтэрнэт-партале.

Эвакуацыя прадугледжана з зон надзвычайных сітуацый, дзе існуе пагроза знішчэння гісторыка-культурных каштоўнасцяў, а таксама з зон узброенага канфлікту, дыслакацыі ўзброеных сіл і іншых воінскіх фарміраванняў, з зон магчымога паражэння.

Пастанова вызначае чарговасць вывазу па катэгорыях ад «0» да «3», а затым «без катэгорыі». Згодна з Кодэксам аб культуры, да катэгорыі «0» адносяцца аб’екты сусветнага значэння, уключаныя або прапанаваныя для ўключэння ў Спіс сусветнай спадчыны ЮНЕСКА; да катэгорыі «1» — каштоўнасці міжнароднага значэння; да катэгорыі «2» — нацыянальнага; да катэгорыі «3» — рэгіянальнага. «Без катэгорыі» — гэта асобныя аб’екты ў складзе комплексу, ансамбля, камплекту або калекцыі, якім самастойна статус гісторыка-культурнай каштоўнасці не надаваўся.

Такім чынам, згодна з заканадаўствам, цагліны з Брэсцкай крэпасці з памятнымі надпісамі савецкіх воінаў, якія маюць катэгорыю «1», будуць эвакуяваныя раней, чым, напрыклад, карціны Марка Шагала, якім прысвоена толькі 2-я катэгорыя каштоўнасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com