Брата вядомай расійскай актрысы Кацярыны Волкавай абвінавачваюць у жорсткім двайным забойстве

Леанід Волкаў забіў і расчляніў двух суайчыннікаў з Пецярбурга.

Брата нараджонай у Таліне зоркі серыялу «Вароніны» Кацярыны Волкавай абвінавачваюць у ЗША ў забойстве і расчляненні гей-пары. Судовы працэс цягнецца ўжо больш за два гады, а абарона расіяніна абышлася амерыканскім падаткаплацельшчыкам у 25 тысяч долараў. Інтарэсы абвінавачанага прадстаўляюць адны з найлепшых адвакатаў Масачусэтса, піша delfi.ee.

Судовы працэс па справе Леаніда Волкава, брата актрысы Кацярыны Волкавай, цягнецца ўжо больш за 2 гады. Следства ўпэўненае, што расіянін жорстка расправіўся з двума суайчыннікамі з Пецярбурга і расчляніў іх — з 28-гадовым фатографам Паўлам Векшынам і яго 37-гадовым сябрам Кірылам Шчукіным. Паводле адной з версій, прычынай забойства стаў жыллёвы канфлікт. Галоўнай жа прычынай зацягвання справы сталі прафесійныя дзеянні адвакатаў Волкава — Дэбры ДэВітт і Эрыха Браянта. Першая ўваходзіць у рэйтынг Super Lawyers і лічыцца адной з найлепшых у штаце Масачусэтс, а другі адвакат раней перамагаў у гучных крымінальных працэсах.

Паводле звестак «Базы», іх праца па абароне Волкава ўжо абышлася бюджэту штата Масачусэтс больш як у 25 тысяч долараў. Справа ў тым, што амерыканскія ўлады прызналі расіяніна малазабяспечаным, а таму прадаставілі яму «бясплатных» адвакатаў. У выніку ДэВітт і Браянт майстэрска зацягваюць справу, заказваюць экспертызы і завальваюць суд хадайніцтвамі. І ўсё гэта нягледзячы на мноства прадстаўленых абвінаваўцам доказаў. Напрыклад, на тое, што Волкаў карыстаўся банкаўскімі карткамі ахвяр ужо пасля іх забойства. Імі ён аплаціў сродкі для чысткі, пальчаткі і пластыкавыя кантэйнеры, у якіх пазней знайшлі парэшткі забітых.

У выпадку прызнання Леаніда Волкава вінаватым яму пагражае велізарны турэмны тэрмін да канца яго дзён, без права на ўмоўна-датэрміновае вызваленне. Сястра абвінавачанага, актрыса Кацярына Волкава, дагэтуль лічыць, што яе сваяк не мог здзейсніць такое жудаснае злачынства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com