Караеў выдаў дзіўную прамову пра настаўнікаў

Цяпер яны павінны займацца «дэмаграфіяй».

У Гродне прайшла абласная канферэнцыя кіраўнічых работнікаў і педагогаў сістэмы адукацыі з удзелам мясцовых уладаў і міністра адукацыі.

Як піша прапраўладная «Гродзенская праўда», звяртаючыся да педагогаў, што сабраліся ў зале, кіраўнік вобласці Юрый Караеў падкрэсліў значнасць і незамяняльнасць іх прафесіі.

І трэба адзначыць, зрабіў чыноўнік гэта ў выглядзе настаўленняў, здольных здзівіць настаўнікаў, якія за дзесяцігоддзі працы ў адукацыі шмат чаго пабачылі, піша «Салідарнасць».

— Ваша прафесія — ключавая ў сістэме нацыянальнай бяспекі. Хачу адзначыць некалькі накірункаў, на якія варта звярнуць асаблівую ўвагу, — заявіў Караеў. — Па-першае, дэмаграфічнае пытанне. Прасоўванне інстытута сям’і, адказнага мацярынства, паўнавартаснага дзяцінства. Па-другое, нам усімі сіламі трэба захоўваць вёскі. І, нарэшце, — стымуляванне вучняў да выбару рабочых прафесій. У сённяшніх рэаліях механізатары, ветэрынары і слесары патрэбныя нам больш, чым юрысты і эканамісты.

Рэбус ад кіраўніка вобласці атрымаўся яшчэ той. Ад людзей, якім у апошнія гады даводзіцца ўцягваць дзяцей у дарослыя гульні са зброяй, патрабуецца вырашыць дэмаграфічнае пытанне.

Ад іх жа хочуць ідэяў і дзеянняў па захаванні вёсак, з якіх ветэрынары і механізатары ўцякаюць зусім не таму, што іх калісьці недастаткова матывавалі ў выбары прафесіі.

Але ці варта здзіўляцца такім непрафільным нагрузкам, калі на нашых вачах армія ператвараецца ў лагер па перавыхаванні нядбайных калгаснікаў?

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com