Расіянін застрэліў у Беларусі зубра

Яго аштрафавалі.

У Беларусі суд спагнаў з замежнага грамадзяніна больш за 162 тыс. беларускіх рублёў за незаконную здабычу зубра ў Нацыянальным парку «Прыпяцкі» падчас палявання, паведамілі ў пракуратуры Гомельскай вобласці. Гаворка ідзе пра грамадзяніна Расіі.

Падчас паляўнічага туру ў снежні 2015 года мужчына ўдзельнічаў у загонным паляванні і незаконна здабыў зубра, які не быў пазначаны ў ягонай пуцёўцы.

У дачыненні да яго ўзбудзілі крымінальную справу па ч. 4 арт. 282 КК (незаконнае паляванне, якое пацягнула прычыненне шкоды ў асабліва буйным памеры). Максімальнае пакаранне па гэтым артыкуле — да шасці гадоў пазбаўлення волі са штрафам.

У межах крымінальнай справы пракурор запатрабаваў спагнаць з абвінавачванага плату ў пяцікротным памеры кошту дазволу на здабычу зубра. Памер патрабаванняў склаў €80 тыс. па курсе Нацбанка Беларусі.

Пазней крымінальную справу накіравалі ў Расію для далейшага расследавання ў межах Канвенцыі аб прававой дапамозе і прававых адносінах. У 2020 годзе крымінальны пераслед у дачыненні да мужчыны спынілі ў сувязі са сканчэннем тэрмінаў крымінальнага пераследу.

Пры гэтым нанесеную шкоду мужчына не пакрыў. У 2021 годзе пракурор звярнуўся ў суд з іскам у інтарэсах Нацыянальнага парку «Прыпяцкі». Тады з яго спагналі, акрамя асноўнай сумы шкоды, 8,1 тыс. руб. дзяржпошліны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com