Лукашэнка заявіў пра «недаразуменні» вакол праекта расійска-беларускага самалёта

Дыктатар марыць пра самалёт з 2023 года.

Вакол праекта расійска-беларускага самалёта «Асвей» ёсць «недаразуменні», якія варта абмеркаваць, заявіў Аляксандр Лукашэнка на сустрэчы з першым віцэ-прэм'ерам РФ Дзянісам Мантуравым. Пра гэта паведамляе агенцтва БелТА.

Гаворачы пра гэты праект, узурпатар сказаў, што там маюцца «пэўныя недаразуменні».

«Але, думаю, мы цяпер іх абмяркуем, каб усё ж такі «Асвей» быў», — працягнуў ён.

Паводле слоў беларускага дыктатара, гэты самалёт «патрэбны на нашым агульным рынку».

«Зразумела, для Расіі гэта будзе добры самалёт. А для нас — набыццё новых кампетэнцый», — адзначыў узурпатар.

Таксама ён звярнуў увагу, што ў Беларусі займаюцца рамонтам «шмат якіх» самалётаў. А з дапамогай РФ беларускі бок мог бы асвоіць новы напрамак у прамысловасці, дадаў Лукашэнка.

25 жніўня Мантураў заявіў, што выраб доследнага ўзору самалёта «Асвей» чакаецца да наступнага года.

Лёгкі шматмэтавы самалёт ЛМС-192 «Асвей», упершыню прадстаўлены ў верасні 2025 года на выстаўцы «Іннопрам.Беларусь», прызначаны для мясцовых і рэгіянальных ліній і зможа перавозіць да 19 пасажыраў або 1,8 тоны грузу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com