Сотні турыстаў прапалі без вестак у Непале

Ад паводкі загінулі прынамсі 157 чалавек.

У Непале паблізу ад мяжы з Тыбетам у выніку паводкі загінулі прынамсі 157 чалавек. Сотні — у тым ліку 466 замежных турыстаў — лічацца зніклымі без вестак. Паводка прывяла да разбурэнняў і ў падкантрольным Кітаю Тыбеце, паведамляе BBC.

Паводле дадзеных непальскай паліцыі, без вестак лічацца 579 турыстаў, у тым ліку 466 замежнікаў з 28 розных дзяржаў. Сярод зніклых — 113 непальцаў, 54 грамадзяніны ЗША і 33 брытанцы.

Сярод зніклых без вестак — восем грамадзянаў Паўднёвай Карэі, якія працавалі на будаўніцтве гідраэлектрастанцыі ў рэгіёне Расува, перадае Yonhap. Яшчэ 10 карэйцаў не могуць выбрацца з рэгіёна і чакаюць выратавальнікаў.

Кітайскі бізнесовец І Лён, які жыве ў сталіцы Непала Катманду, распавёў BBC, што сем кантэйнерных грузавікоў ягонай кампаніі знаходзяцца ў раёне паводкі, сувязь з супрацоўнікамі страчана.

Паводле ягоных слоў, папярэджанняў пра стыхійнае бедства не было. «Часам тут бываюць селявыя патокі і апаўзні, асабліва ў сезон дажджоў, але гэта, падаецца, значна больш сур'ёзнае», — сказаў прадпрымальнік.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com